Gamutan sa sakit sa Thyroid o Goiter by Dr. Willie T. Ong. - PH Trending

PH Trending

Latest Philippine news, trending stories about people, politics, sports, viral videos, technologies & more...

Breaking

Post Top Ad

Thursday 30 April 2020

Gamutan sa sakit sa Thyroid o Goiter by Dr. Willie T. Ong.

SAKIT SA THYROID O GOITER

By Dr. Willie T. Ong 

Anu ang Goiter o Sakit sa Thyroid?


Ang thyroid gland ay matatagpuan sa harap ng ating leeg. Katabi ito ng Adam’s apple, iyung nakaumbok na buto sa gitna ng ating leeg. Ang thyroid gland ay hugis paru-paro at karaniwan ay hindi nakikita o nakakapa. Ang thyroid gland ang nagko-kontrol ng galaw ng mga organs ng ating katawan.

Kapag lumalaki ang ating thyroid gland, tinatawag itong goiter o bosyo. Madalas makita sa kababaihan ang hyperthyroid. Sa katunayan ay 12.5% ng kababaihan ay magkakasakit sa thyroid.

Dalawa ang puwede maging sakit ng thyroid gland: ang hyperthyroid (sobra sa thyroid hormones) o hypothyroid (kulang sa thyroid hormones).

Anu ang Hyperthyroid?

Hyperthyroid: Mabilis Ang Galaw
Kapag hyperthyroid ang pasyente, bumibilis ang kanyang metabolism. Mabilis ang tibok ng puso, nine-nerbiyos, laging pinapawisan, laging naiinitan, at nagtatae. Kung malala na ay lumuluwa din ang kanilang mga mata. Delikado ito kapag hindi naagapan.

Para malaman kung ika’y hyperthyroid, ipa-check ang Free T3, Free T4 at TSH. Nagkakahalaga ito ng P800 sa murang laboratoryo. Kapag mataas ang lebel ng T3 at T4, ibig sabihin ay hyperthyroid ang pasyente.

Madali lang gamutin ang hyperthyroid. Binibigyan sila ng gamot na Methimazole (brand name Tapazole) 5 mg, mula 2 hanggang 4 na tableta sa maghapon. Iniinom ang gamot ng mga 1 taon o lampas pa. Magpa-konsulta sa isang endocrinologist o espesyalista sa thyroid.

Anu ang Hypothyroid?

Hypothyroid: Mabagal Ang Galaw
Sa kabilang dako, may mga pasyente na hypothyroid. Kabaligtaran naman ang nararamdaman nila. Mabagal ang tibok ng kanilang puso at lagi silang nalalamigan. Mabagal din sila kumilos at mag-isip dahil kulang sila sa thyroid hormones. Sa mga pasyenteng hypothyroid, mababa ang lebel ng kanilang T3 at T4.

Simple lang ang gamutan ng hypothyroid. Iinom lang sila ng Levothyroxine (Brand name Eltroxin) na nagpupuno ng kakulangan ng thyroid gland. Kadalasan ay iniinom ang Levothyroxine pang-habang buhay.

Rekomendasyon:
Kahit madali ang gamutan ng hyperthyroid at hypothyroid, ang problema ay napakahirap itong matuklasan ng doktor. Kakaiba kasi ang sintomas at napagkakamalang ibang sakit.
Kaya ang payo ko: ipa-check ang inyong Free T3, Free T4 at TSH. Baka may sakit kayo sa thyroid.
Source: https://web.facebook.com/DocWillieOng/

No comments:

Post a Comment

Post Bottom Ad

Pages